U-21 Kategoria Superiore | Java 14
Partizani – Bylis 1:2 ⚽ Bajraktari
Partizani i Gerd Haxhiut “dorëzohet ” në Arenën e Demave mes shumë polemikash !
U zhvillua sot ndeshja e javëse 14 të Kategorisë Superiore U-21 mes Partizanit dhe Bylis . Në Arenën e Demave u luajt një nga ndeshjet më të “nxehta” të këtij kompeticioni . Partizani e nisi takimin keq duke pësuar një gol të shpejtë në minutën e 10′ , por djemtë tanë nuk u dorëzuan . Minutat në vazhdim do të flisnin për skuadrën tonë që bëri të pamundurën për ta barazuar rezultatin. Nuk munguan kontestimet për dy penallti të pa akorduara në favor të skuadrës tonë . Goli i barazimit u shënua në minutën e 40′ nga një goditje potente e Danilo Bajraktarit nga jashtë zonës . Pjesa e parë u mbyll me rezultatin e barabartë 1-1 . Partizani e nisi vrullshëm pjesën e dytë duke u vendosur i tëri në gjysëm fushën e Ballshiotëve dhe duke e kërkuar golin në ç’do mënyrë .Demat arritën të shënojnë në minutën e 86′ me anë të Erik Gjokës por vendimet e gjyqtarëve që ishin të vendosur për ti thënë “Jo” nuk e lejuan Partizanin të festojë . Skuadra e Bylis u tregua cinike duke përfituar nga situata e tensionuar dhe mungesën e qetësisë tek kampi i kuq . Miqtë arritën të shënojnë golin e fitores në sekondat e fundit të kohës rregullt duke e çuar rezultatin në 1-2 . Takimi u mbyll mes tensionit dhe kartonave të kuq nga një për secilën skuadër , Vidrica dhe Joao e përfunduan takimin para kohe .Tashmë gara për titull është pothuajse e mbyllur për skuadrën tonë që pozicionohet në vendin e 3 me 25 pikë , ndërsa Bylis përforcon pozitat në vendin e parë me 38 pikë .
