🔴⚪ Zyrtare | Abissnet Superiore me format të ri nga sezoni 2025-2026: Faza “Final 4” në fund të kampionatit 🔴⚪
Komiteti Ekzekutiv i FSHF-së ka miratuar ndryshimin e rëndësishëm në rregulloren e kampionatit “Abissnet Superiore”, duke aplikuar një fazë shtesë në përfundim të sezonit të rregullt.
Duke filluar nga edicioni 2025-2026, titulli kampion dhe skuadrat pjesmarrëse në europë do të përcaktohen nga faza e re “Final 4” që do të zhvillohet në stadiumin “Air Albania .
Si do të funksionojë formati i ri?
Kampionati do të vijojë me 36 javë të zakonshme, vajtje-ardhje.
Katër ekipet e para në renditjen përfundimtare kualifikohen në fazën “Final 4”.
Pikët e fituara në kampionat do të përgjysmohen, duke u rrumbullakuar në vlerën më të ulët.
Faza “Final 4” do të përfshijë 6 ndeshje, sipas këtij kalendari:
📌 Java 1
Vendi 1 vs Vendi 4
Vendi 2 vs Vendi 3
📌 Java 2
Vendi 1 vs Vendi 3
Vendi 2 vs Vendi 4
📌 Java 3
Vendi 1 vs Vendi 2
Vendi 3 vs Vendi 4
Renditja përfundimtare pas këtyre ndeshjeve do të përcaktojë kampionin dhe ekipet që do marrin pjesë në kupat e Europës.
🔻Rregullorja për zonën e fundit të tabelës:
Vendet 9 dhe 10 bien direkt nga kategoria.
Vendi 8 shkon në play out.
Në rast barazimi pikësh në Final 4, renditja përcaktohet sipas këtyre kritereve:
1 – Pikët në ndeshjet direkte gjatë kampionatit dhe Final 4
2 – Diferenca e golave në këto ndeshje
3 – Golavarazhi i përgjithshëm në sezon
Ky ndryshim vjen si pjesë e përpjekjeve për të rritur nivelin e garës, për të sjellë më shumë rivalitet dhe spektakël në javët vendimtare të kampionatit.
#AbissnetSuperiore #Final4 #KampionatiShqiptar #FSHF #FutbollShqiptar #FkPartizani
