GOLEADË NË ARENËN E DEMAVE – PARTIZANI VAJZA FITORE SPEKTAKOLARE 9–0 NDAJ LUSHNJËS 🔴
Një pasdite perfekte për vajzat e kuqe! Vajzat e kuqe dhururuan spektakël dhe gola në “Arenën e Demave”, duke triumfuar me rezultatin e thellë 9–0 ndaj Lushnjës, në ndeshjen e vlefshme për javën e 4-të të Kategorisë Superiore.
Skuadra e drejtuar nga Cyme Lulaj dominoi plotësisht takimin, duke treguar ritëm, organizim dhe efikasitet të lartë në fazën sulmuese.
Golat për të kuqtë u shënuan nga:
Liridona Gashi (4 gola)
Bora Bushati (2 gola)
Ava Hyseni (1 gol)
Melisa Doçe (1 gol)
Gelda Kadiolli (1 gol)
Kjo ishte fitorja e dytë radhazi për vajzat tona, që numërojnë 6 pikë, me 11 gola të shënuar dhe asnjë të pësuar, duke treguar formë të shkëlqyer në startin e sezonit.
Në fundjavën e ardhshme, vajzat e Partizanit do të udhëtojnë drejt Rrogozhinës, ku i pret përballja ndaj Egnatias.
🔴 Goleadë, spektakël dhe mentalitet fitues Partizani Vajza vazhdon rrugëtimin !
