Partizani U18 me goleadë ndaj Apolonisë, U19 ndalet në Elbasan
Ekipet e Akademisë Partizani vijuan rrugëtimin në kampionat me ndeshjet e fundjavës, duke marrë rezultate të ndryshme në fushë.
U18 | Partizani 7-1 Apolonia
Skuadra e 18-vjeçarëve, nën drejtimin e trajnerit Aldo Duro, zhvilloi një ndeshje spektakolare në Arenën e Demave, duke fituar me rezultatin e thellë 7-1 ndaj Apolonisë.
Kjo ishte fitorja e parë për të kuqtë në kampionat, e cila erdhi falë një performance të shkëlqyer kolektive dhe efikasiteti para portës.
Golat u shënuan nga:
Rei Zekaj (2)
Ergit Hyka (2)
Hoçja, Lleshaj dhe Sallaku
U19 | Elbasani 1-1 Partizani
Skuadra U19, e drejtuar nga trajneri Fatjon Muhameti, zhvilloi ndeshjen e javës së tretë në fushën sportive “Shefqet Lamçe” ndaj Elbasanit.
Pas dy fitoreve radhazi, të kuqtë u ndalën me barazim 1-1, duke marrë vetëm një pikë nga kjo sfidë.
Goli për Partizanin u realizua nga Redmond Skeja.
Pas tre javëve të para, ekipi U19 renditet në vendin e tretë me 7 pikë.
Ndeshjet e ardhshme – 4 Tetor 2025
U19 | Vllaznia – Partizani
U18 | Elbasani – Partizani
U17 | Vllaznia – Partizani
U16 | Shënkolli – Partizani
U15 | Shënkolli – Partizani
