Fitore e thellë në transfertë – Partizani U18 në ndjekje të kreut 🔴
Skuadra e 18-vjeçarëve të Partizanit vijon momentin pozitiv në kampionat, duke regjistruar një tjetër fitore bindëse në javën e katërt të kampionatit. Të besuarit e trajnerit Aldo Duro triumfuan në transfertë ndaj Egnatias me rezultatin e thellë 1–5, duke konfirmuar dominimin dhe formën e shkëlqyer që po kalojnë në këtë fillim sezoni.
- Për të kuqtë shënuan Riseld Hoçja, Emeral Kryeziu me dopietë, Ergit Hyka dhe Flavio Sallaku, në një ndeshje ku ekipi tregoi qartësisht epërsinë , organizative dhe karakterin fitues.
Pas katër javësh kampionat, Partizani U18 numëron 9 pikë, vetëm një hap larg vendit të parë, me një golavarazh mbresëlënës 17:3. Në aspektin individual, Ergit Hyka vijon të kryesojë listën e golashënuesve, duke ruajtur ritmin e lartë të sezonit të kaluar.
🔴 Fitore të pastra, performancë e qëndrueshme dhe objektiva të qarta , Partizani U18 po ecën me hap të sigurt drejt kreut!
