{"id":67194,"date":"2026-03-14T16:26:00","date_gmt":"2026-03-14T14:26:00","guid":{"rendered":"https:\/\/partizani.al\/sq\/?p=67194"},"modified":"2026-03-14T16:28:03","modified_gmt":"2026-03-14T14:28:03","slug":"konferenca-per-shtyp-e-trajnerit-oltijon-kernaja-ne-prag-te-takimit-ndaj-vores-3","status":"publish","type":"post","link":"https:\/\/partizani.al\/sq\/konferenca-per-shtyp-e-trajnerit-oltijon-kernaja-ne-prag-te-takimit-ndaj-vores-3\/","title":{"rendered":"Konferenca p\u00ebr shtyp e trajnerit Oltijon K\u00ebrnaja, n\u00eb prag t\u00eb takimit ndaj Vor\u00ebs"},"content":{"rendered":"

Partizani vjen si favorit n\u00eb ndeshjen ndaj Vor\u00ebs –<\/b><\/p>\n

K\u00ebrnaja:<\/b>\u00a0Besoj q\u00eb nuk ka favorit\u00eb p\u00ebr k\u00ebt\u00eb ndeshje. Vijn\u00eb dy ekipe me situata t\u00eb ndryshme nga ajo e faz\u00ebs s\u00eb tret\u00eb. T\u00eb 3 ndeshjet me Vor\u00ebn sigurisht kan\u00eb qen\u00eb t\u00eb dominuara nga skuadra jon\u00eb, panvar\u00ebsisht rezultatit. N\u00eb faz\u00ebn e dyt\u00eb kemi p\u00ebrfunduar 0 – 0 n\u00eb “Aren\u00ebn e Demave”, kemi pasur nj\u00eb mori rastesh. N\u00eb ndeshjen e faz\u00ebs s\u00eb tret\u00eb 0 – 1 kemi p\u00ebsuar nj\u00eb gol n\u00eb minut\u00ebn e 90′ pas nj\u00eb penalltie t\u00eb humbur dhe 2 – 3 rasteve t\u00eb tjera. Por n\u00eb futboll nuk mbahen mend rastet apo loja e mir\u00eb, por mbahen mend rezultatet k\u00ebshtu q\u00eb ne duhet t\u00eb hyjm\u00eb p\u00ebr 3 pik\u00ebt.<\/p>\n

\"\"<\/p>\n

Fitorja \u00ebsht\u00eb detyrim –<\/b><\/p>\n

K\u00ebrnaja:<\/b>\u00a0Ne kemi hyr\u00eb n\u00eb \u00e7do ndeshje p\u00ebr 3 pik\u00eb edhe nes\u00ebr do hyjm\u00eb p\u00ebr 3 pik\u00ebt pjes\u00ebn tjet\u00ebr do ja l\u00ebm fush\u00ebs. Besoj se djemt\u00eb jan\u00eb t\u00eb karikuar, t\u00eb gatsh\u00ebm p\u00ebr t\u00eb dh\u00ebn\u00eb maksimumin p\u00ebr t\u00eb fituar 3 pik\u00ebt.<\/p>\n

Si \u00ebsht\u00eb gjendja e skuadr\u00ebs –<\/b><\/p>\n

K\u00ebrnaja:<\/b>\u00a0Gj\u00ebndja e skuadr\u00ebs \u00ebsht\u00eb e mir\u00eb. Ne kemi nj\u00eb num\u00ebr t\u00eb madh lojtar\u00ebsh n\u00eb dispozicion. N\u00eb ndeshjen me Dinamon kishim mund\u00ebsi q\u00eb 4 – 5 prej tyre q\u00eb luajt\u00ebn p\u00ebr kup\u00eb me Elbasanin t\u00eb pushonin dhe me Dinamon aktivizuam pes\u00eb t\u00eb tjer\u00eb. Gjendja fizike \u00ebsht\u00eb shum\u00eb e mir\u00eb. Sa i p\u00ebrket Qak\u00ebs mori nj\u00eb goditje te pjesa e gjurit ndaj nuk donim t\u00eb rrezikonim. Esht\u00eb st\u00ebrvitur me ekipin dhe \u00ebsht\u00eb i gatsh\u00ebm p\u00ebr ndeshjen e nes\u00ebrme.<\/p>\n

\"\"<\/p>\n

Mund t\u00eb synoj Partizani titullin –<\/b><\/p>\n

K\u00ebrnaja:<\/b>\u00a0Un\u00eb mendoj t\u00eb shohim vet\u00ebm ndeshjen e radh\u00ebs ne duhet t\u00eb shohim vet\u00ebm rezultatet tona. E kam th\u00ebn\u00eb q\u00eb n\u00eb fillim Partizani duhet t\u00eb shoh\u00eb vet\u00ebm ndeshjet e veta, n\u00ebse ne marrim ndeshjet tona nj\u00eb e nga nj\u00eb pik\u00ebt aty jan\u00eb , renditja aty \u00ebsht\u00eb. Nuk jemi n\u00eb dor\u00ebn e askujt varemi vet\u00ebm nga k\u00ebmb\u00ebt tona k\u00ebshtu q\u00eb duhet t\u00eb japim maksimumin ton\u00eb.<\/p>\n

Prania e Jasir Asanit n\u00eb st\u00ebrvitjet e Partizanit –<\/b><\/p>\n

K\u00ebrnaja:<\/b>\u00a0Asani \u00ebsht\u00eb n\u00eb sht\u00ebpin\u00eb e vet. E dim\u00eb q\u00eb Asani ka dh\u00ebn\u00eb shum\u00eb p\u00ebr ekipin e Partizanit, ka ngritur trofe ka dal kampion. Asani \u00ebsht\u00eb n\u00eb sht\u00ebpin\u00eb e vet, i ka dyert e hapura gjithmon\u00eb. Ndihma \u00ebsht\u00eb reciproke, m\u00eb shum\u00eb e ndihmojm\u00eb ne Asanin se sa Asani ne n\u00eb k\u00ebt\u00eb rast sepse e mbajm\u00eb n\u00eb form\u00eb fizike q\u00eb t\u00eb ndihmoj\u00eb nj\u00eb komb t\u00eb t\u00ebr\u00eb p\u00ebr ndeshjen ndaj Polonis\u00eb. Shpresojm\u00eb q\u00eb ti japim sa m\u00eb shum\u00eb pozitivitet dhe energji q\u00eb t\u00eb jet\u00eb sa m\u00eb i gatsh\u00ebm me Polonin\u00eb.<\/p>\n

\"\"<\/p>\n

Keni diskutuar p\u00ebr nj\u00eb rikthim t\u00eb Asanit te Partizani\u00a0 –<\/b><\/p>\n

K\u00ebrnaja:<\/b>\u00a0Nuk besoj q\u00eb \u00ebsht\u00eb momenti dhe koha q\u00eb\u00a0\u00a0Asani t\u00eb kthehet, besoj ka nj\u00eb karrier\u00eb p\u00ebrpara. Shpresojm\u00eb q\u00eb edhe lufta t\u00eb mbaroj dhe t\u00eb kthehet pran\u00eb ekipit t\u00eb tij. T\u00eb shohim m\u00eb t\u00eb mir\u00ebn p\u00ebr djalin pjesa tjet\u00ebr jan\u00eb pro\u00e7edura q\u00eb zgjasin shum\u00eb dhe ne jemi n\u00eb 9 ndeshjet e fundit k\u00ebshtu q\u00eb nuk besoj se do t\u00eb ket\u00eb di\u00e7ka serioze momentalisht.<\/p>\n

\"\"<\/p>\n

__________
\n